Rregullorja për blerje të produkteve nepërmjet ankandit

Kushtet dhe Termat e Përdorimit

Këto kushte dhe afate ("Kushtet") rregullojnë përdorimin e shërbimeve të ankandit dhe opsionit të blerjes së menjëhershme (në vijim të përmendura së bashku si "Shërbimet"), të ofruara nga Ankandet Ecommerce (në vijim "Ankandet"), një shoqëri me përgjegjësi të kufizuar (SH.P.K) e regjistruar në Kosovë, me numër regjistrimi 811574434 dhe zyrë të regjistruar në Rrugën për Graçanicë, Veternik, Prishtinë. Duke hyrë ose duke përdorur Shërbimet tona, ju pajtoheni të jeni të detyruar nga këto Kushte.

Për të përdorur Shërbimet tona, duhet të regjistroheni. Ju pranoni të ofroni informata të sakta dhe të plota gjatë procesit të regjistrimit. Gjatë këtij procesi, kërkohet që të konfirmoni pranimin tuaj të Kushteve dhe Rregullores sonë, përfshirë çdo ndryshim të mundshëm në të ardhmen. Ky pranim konfirmohet duke zgjedhur kutinë e kontrollit me mbishkrimin “Pajtohem me Kushtet dhe Rregullorën”. Duke vazhduar të përdorni shërbimin dhe faqen tonë të internetit pas çdo përditësimi të Kushteve dhe Rregullores, ju konfirmoni edhe një herë pajtueshmërinë tuaj me këto kushte.

 

Përkufizime
Pasuri (Asset): Nënkupton çdo pronë e vënë në dispozicion nga një Shitës përmes Shërbimeve për t’u ofruar në ankand apo për t’u blerë nga një Blerës. Një Pasuri mund të jetë çdo formë prone materiale, jomateriale apo e paluajtshme, përveç rasteve kur kjo ndalohet nga Kushtet dhe Rregulloret tona ose politikat e tjera përkatëse.

Ditë Pune (Business Days): Çdo ditë tjetër përveç së shtunës, së dielës apo festave zyrtare në Republikën e Kosovës në të cilat Ankandet operon.

Shitës (Seller): Çdo kompani, organizatë apo individ që shet artikuj përmes Ankandet.

Blerës (Buyer): Në kontekstin përkatës, nënkupton një Përdorues të Shërbimeve i regjistruar në Ankandet për të ofertuar ose për të shprehur interes për blerjen e Pasurive të listuara nga Shitësi përmes ankandit ose shitjes së drejtpërdrejtë duke përdorur Shërbimet e Ankandet.

Përdorues (User): Nënkupton një Blerës ose Shitës që ka pranuar Kushtet dhe Rregulloren. Një Përdorues mund të përfshijë gjithashtu një vizitor apo mysafir në faqen e internetit.

Shërbime (Services): Nënkuptojnë teknologjinë, aplikacionet, mjetet, softuerin dhe shërbimet e ofruara nga Ankandet, përmes së cilave Ankandet konfiguron, operon, pret dhe menaxhon faqe të tregjeve të mbyllura (private marketplace), që mundësojnë Blerësve të ofertojnë dhe të blejnë Pasuri nga Shitësit. Shërbimet përfshijnë përdorimin e faqeve tona dhe të gjitha shërbimet e lidhura me ueb dhe celular, përfshirë faqet dhe profilet në rrjetet sociale.

Lot: Ofertimi bëhet për të gjithë lotin (grupin), Jo për artikuj të veçantë brenda tij. Ofertuesi me çmimin më të lartë për lotin përcakton çmimin për të gjithë grupin.

Çmimi Rezervë (Reserve Price): Çmimi minimal për shitjen e një loti, i dakorduar ndërmjet Shitësit dhe Ankandet para se loti të dorëzohet për shitje. Nëse çmimi rezervë nuk është përcaktuar para dorëzimit të artikujve, konsiderohet se nuk ka çmim rezervë.

Opsioni “Bli Tani” (Buy now Option): Për disa artikuj të përzgjedhur, mund të ofrohet një opsion “bli tani” me çmim fiks. Ky opsion lejon blerjen e menjëhershme pa marrë pjesë në procesin e ankandit.

Ofertim Popcorn (Popcorn Bidding): Një sistem i përdorur në ankandet online për të garantuar drejtësi dhe konkurrencë duke zgjatur kohën e përfundimit të ankandit nëse një ofertë vendoset brenda një periudhe të caktuar përpara mbylljes së planifikuar. Ky sistem parandalon ofertimin e sekondave të fundit ("sniping").

Çmimi i Blerjes (Purchase Price): Çmimi përfundimtar i ofertuar, plus komisioni i Blerësit, TVSH-ja e zbatueshme, tarifat dhe shpenzimet e tjera të mundshme sipas Tarifës së zbatueshme ose çmimit “Bli tani”. Çmimi “Bli tani” përfshin të gjithë komisionet (të Blerësit dhe të Shitësit).

Komisioni i Blerësit (Buyer’s Commission): Shuma e paguar nga Blerësi për Ankandet për blerjen e artikullit; përllogaritet mbi çmimin e ofertuar dhe përfshin të gjitha komisionet dhe shpenzimet sipas Tarifës ose të përfshira në çmimin “Bli tani”.

Tarifa (Tariff): Dokumenti që përcakton tarifat, komisionet dhe shpenzimet e tjera të aplikuara nga Ankandet dhe publikohet së bashku me Kushtet dhe Rregulloren.

Pagesa (Payment): Pagesa duhet të kryhet brenda 2 ditëve pune pas përfundimit të ankandit ose menjëherë për blerjet “Bli tani”. Nëse pagesa nuk realizohet brenda afatit të përcaktuar, blerja konsiderohet e pasuksesshme dhe artikulli mund të rikthehet në shitje. Në rastet kur produkti dërgohet me postë, pagesa bëhet në momentin e dorëzimit.

Tregu (Marketplace): Një faqe interneti e markuar dhe tërësia e faqeve që operohet nga Ankandet, përfshirë faqet dhe profilet në rrjetet sociale.

Politika e Privatësisë (Privacy Policy): Politika e Privatësisë që është pjesë përbërëse e Kushteve dhe Rregullores.

 

Dispozita të Përgjithshme

Këto Kushte dhe Rregulla janë të ndryshueshme në çdo kohë pa paralajmërim paraprak. Me hyrjen në fuqi të rregullave të reja, të gjitha rregulloret paraprake shpallen të pavlefshme. Çdo rregull do të përmbajë datën e hyrjes në fuqi si dhe datën e rregullores së mëparshme që shfuqizohet apo zëvendësohet.

Në rrethana të caktuara, Ankandet rezervon të drejtën të ndërmjetësojë mosmarrëveshjet ndërmjet blerësit dhe shitësit. Çdo vendim i marrë nga Ankandet në këto raste është detyrues për të dyja palët.

Automjetet dhe artikujt që ndodhen brenda ambienteve të Ankandet janë përgjegjësi ekskluzive e pronarit përkatës. Ankandet nuk mban përgjegjësi për asnjë problem, dëmtim apo humbje që mund të ndodhë në asnjë fazë – përfshirë para, gjatë apo pas ankandit. Kjo përfshin momentin kur shitësi sjell artikullin në Ankandet, gjatë procesit të ankandit dhe pas përfundimit të transaksionit. Me realizimin e blerjes, përgjegjësia për artikullin kalon plotësisht tek blerësi. Ankandet nuk mban përgjegjësi për gjendjen, dorëzimin apo origjinalitetin e artikujve, dhe as për ndonjë çështje që lind nëse blerësi dështon ta tërheqë apo pranojë artikullin.

Nëse një artikull ka çmim rezervë, ai nuk do të shitet për më pak se kjo shumë, përveç nëse pranohet ndryshe nga Shitësi. Kjo informatë është konfidenciale dhe Ankandet vendos nëse do ta bëjë publike apo jo.

Faqja e vetme zyrtare e Ankandet është www.ankandet.com, numri i telefonit 045-600-050, faqja zyrtare në Facebook është facebook.com/ankandet, profili zyrtar në Instagram është Ankandet, faqja zyrtare në LinkedIn është LinkedIn/Ankandet dhe në TikTok gjithashtu.

Ankandet rezervon të drejtën për të anuluar një ankand, për të shkurtuar apo zgjatur kohëzgjatjen e ankandit ose për të ndryshuar datën e tij në çdo kohë.

Ankandet rezervon të drejtën për të tërhequr artikuj nga ankandi apo nga opsioni “bli tani” në rrethana të caktuara, përfshirë gabime në përshkrim, dyshime për autenticitet apo kërkesa ligjore.

Ofertat nuk merren parasysh pas përfundimit të ankandit.

Blerësit dhe Shitësit janë përgjegjës për të gjitha detyrimet tatimore dhe implikimet që rrjedhin nga shitblerja përmes Ankandet, përfshirë TVSH-në, doganat apo ngarkesa të ngjashme.

Përdoruesit pajtohen të mos përfshihen në veprime mashtruese apo të pabesueshme në platformë.

Ankandet, sipas gjykimit të vet, mund të pezullojë apo mbyllë llogaritë për shkelje të këtyre Kushteve dhe Rregullave.

Të gjitha fotografitë dhe ilustrimet e paraqitura në katalog apo në faqe janë vetëm për orientim dhe nuk duhet të konsiderohen si përfaqësuese të saktësisë.

Pjesëmarrja në ankand është në diskrecion të plotë të Ankandet. Ankandet mund të kërkojë që ofertuesit të paguajnë një depozitë paraprake, dhe vendos nëse kjo depozitë bëhet në para të gatshme apo përmes bankës, dhe në çfarë shume.

Gjatë ankandeve të drejtpërdrejta, zyrtari i ankandit ka të drejtë të largojë çfarëdo personi nga salla, të kërkojë pagesë të plotë paraprakisht, të refuzojë ndonjë ofertë, të avancojë ofertat sipas vlerësimit të tij, të tërheqë, ndajë ose grupojë produktet.

Gjatë Ankandeve Online, Ankandet ka të drejtë të fshijë oferta dhe/ose llogari nëse dyshon se janë pjesë e aktiviteteve mashtruese, pa dhënë ndonjë sqarim ofertuesve.

Në rast se është dhënë depozitë nga blerësi, dhe ky i fundit nuk i përmbush detyrimet pas ofertës, depozita mbahet nga Ankandet.

Blerësi e ka parasysh se faturat e gjeneruara gjatë ose menjëherë pas ankandit mund të përmbajnë gabime dhe mund të rishikohen/korrigjohen.

Personat që dëshirojnë të ofertojnë duhet të japin: emër dhe mbiemër, adresë valide e-maili dhe numër telefoni të vlefshëm.

Nëse ofertuesi është person juridik, kompania duhet të ofrojë të dhënat e saj të biznesit për regjistrim: Certifikatën e Biznesit, Certifikatën e Numrit Fiskal dhe informacione të tjera për të marrë pjesë në ankandet e drejtpërdrejta. Nëse pronari nuk është autorizuar, kërkohet autorizim. Për të marrë pjesë në Ankandet Online, kërkohet adresë valide e-maili dhe numër telefoni i vlefshëm.

Ankandet ka të drejtë të refuzojë blerjen e çfarëdo Loti nëse ofertat nuk pranohen dhe nuk paguhen.

Transporti i artikujve të blerë është përgjegjësi e Blerësit. Nëse Ankandet ofron mundësi për transport, nuk mban përgjegjësi për cilësinë apo shërbimin, përfshirë rastin kur transporti kryhet nga një kompani postare.

Artikujt e blerë online mund të dërgohen përmes shërbimeve postare dhe kostot përkatëse janë përgjegjësi e Blerësit. Nëse kompania postare ndryshon tarifat, Blerësi është i obliguar të mbulojë kostot shtesë.

Para tërheqjes së produkteve, pagesa e plotë duhet të kryhet.

Për blerjet online, pagesa duhet të bëhet më së voni në momentin e pranimit të produktit (përmes shërbimit postar). Për produkte të caktuara, pagesa duhet të bëhet paraprakisht. Tërheqja e artikujve duhet të bëhet brenda 5 ditëve pune pas ditës së pagesës. Nëse kjo nuk bëhet, ANKANDET ka të drejtë të aplikojë tarifat e ruajtjes (shih Tarifën) ose të përfshijë artikullin në ankandin e radhës. ANKANDET dhe të gjithë punonjësit e saj nuk mbajnë përgjegjësi për ndonjë dëmtim apo humbje të artikujve.

Blerësve potencialë u këshillohet të marrin pjesë fizikisht në ankandet e drejtpërdrejta. Nëse nuk kanë mundësi të marrin pjesë, Ankandet ofron formularin “Oferta në Raste të Mungesës” i cili nënshkruhet dhe dorëzohet tek Ankandet së paku një ditë para ankandit. Të gjitha të dhënat nga blerësit/shitësit janë konfidenciale dhe përdoren vetëm për qëllime të brendshme të kompanisë.

Ne nuk garantojmë ruajtjen apo mirëmbajtjen e të dhënave lidhur me Transaksionet e Përdoruesit apo me Shërbimet tona. Përdoruesit inkurajohen të ruajnë vetë evidencat dhe dokumentacionin e veprimtarive të tyre përmes faqes sonë.

Ne rezervojmë të drejtën, sipas gjykimit tonë të vetëm, për të kufizuar numrin e regjistrimeve për secilin Blerës dhe për të deaktivizuar regjistrimet e dyfishta apo regjistrimet e afërta me të.

Shitësi konsideron dhe pajtohet se ANKANDET gjithashtu ngarkon komision edhe nga Blerësi.

Shitësi deklaron se artikujt janë pronë e tij legjitime ose se ka të drejtë ligjore për t’i shitur. Shitësi është përgjegjës për organizimin e transportit të artikujve në ANKANDET, nëse nuk është ofruar ndonjë zgjidhje tjetër nga ANKANDET.

Nëse furnizuesi dëshiron të caktojë një Çmim Rezervë për një lot, ANKANDET duhet të njoftohet para dorëzimit të artikullit dhe duhet të japë miratimin për çmimin.

Furnizuesi ka të drejtë të tërheqë artikullin e pashitur pas ankandit të parë, por aplikohen shpenzime administrative sipas Tarifës në fuqi. Furnizuesi nuk ka të drejtë ta tërheqë artikullin para ankandit të parë; nëse ndodh një tërheqje e tillë, zbatohen shpenzimet administrative sipas Tarifës në fuqi.

Artikujt e pashitur mund të qëndrojnë për ankandin e ardhshëm, por do të zbatohen tarifat e ruajtjes. Në rast se ka çmim rezervë në artikull, në ankandin e dytë ky çmim përgjysmohet. Nëse artikulli nuk shitet as në ankandin e dytë, atëherë ai shitet pa çmim rezervë.

Pagesa e të ardhurave nga shitja bëhet tek Shitësi brenda tridhjetë (30) ditëve nga data e ankandit, pas zbritjes së të gjitha shpenzimeve dhe komisioneve.

 

Politika e Shërbimeve

Ankandet ofron shërbimet e mëposhtme përmes faqes së internetit, profileve në rrjetet sociale dhe/ose Ankandeve të Drejtpërdrejta:

Shërbime të Menaxhuara: Ankandet vepron si agjent për Shitësin për të menaxhuar shitjen e Pasurive të tij duke përdorur Shërbimet tona (këto shërbime quhen “Shërbime të Menaxhuara”) në përputhje me një Marrëveshje të Shërbimeve të Menaxhuara me shkrim, e cila përcakton Pasuritë që Shitësi i dorëzon në mënyrë ekskluzive për ankand ose shitje. Shërbimet e Menaxhuara mund të përfshijnë, por nuk kufizohen në:

–       Shërbime për optimizimin e kanaleve të shitjes;

–       Shërbime të marketingut dhe promovimit;

–       Shërbime për grupimin dhe prezantimin e pasurive në lot;

–       Shërbime logjistike, si depozitimi, menaxhimi i inventarit, katalogimi, testimi, riparimi dhe heqja e etiketimit;

–       Si dhe shërbime për përpunimin dhe gjurmimin e transaksioneve dhe raportimin e tyre.

 

Lista e mësipërme është një përmbledhje ilustruese e Shërbimeve të Menaxhuara të ofruara. Ankandet është i detyruar t’i ofrojë Shitësit vetëm ato Shërbime të Menaxhuara që janë dakorduar përkatësisht në Marrëveshjen për Shërbime të Menaxhuara (ose Kontratën). Marrëveshja mund të jetë e nënshkruar në formë fizike apo elektronike, marrëveshje përmes e-mail-it ose ndonjë konfirmim tjetër me shkrim për mënyrën e realizimit të Shërbimeve të Menaxhuara.

Komisioni: Pas përfundimit të shitjes dhe mbledhjes së të ardhurave nga ankandi apo shitja nga Ankandet, Ankandet do të kompensohet me një komision nga çmimi i shitjes, i përcaktuar në marrëveshje apo në Tarifën përkatëse, i cili do të zbritet nga të ardhurat përpara se t’i transferohen ato Shitësit. Ankandet gjithashtu do të mbledhë dhe mbajë për llogari të vet Komisionin e Blerësit nga Blerësi i Pasurive. Ankandet do të rimbursohet për shpenzimet e bëra në lidhje me shitjen, nëse është rënë dakord paraprakisht nga të dy palët.

 

Ofertimi “Popcorn”

Për të siguruar drejtësi dhe për t'u ofruar të gjithë pjesëmarrësve mundësi të barabartë për të vendosur ofertat e tyre, Ankandet përdor sistemin e ofertimit "Popcorn". Ky sistem zgjat kohën e përfundimit të ankandit në rast se një ofertë vendoset pak para mbylljes së planifikuar të ankandit. Kushtet e mëposhtme zbatohen në këtë rast:

Zgjatja e Ankandit: Nëse një ofertë vendoset gjatë minutave të fundit të kohës së planifikuar për përfundimin e ankandit, afati i ankandit do të zgjatet automatikisht me disa minuta shtesë duke filluar nga momenti i vendosjes së ofertës së fundit.

Ofertat Pasuese: Çdo ofertë pasuese e vendosur brenda periudhës së zgjatur do të vazhdojë ta zgjatë kohën e ankandit disa minuta shtesë nga momenti i ofertës më të fundit.

Përfundimi i Ankandit: Ankandi do të përfundojë kur nuk vendoset asnjë ofertë e re brenda minutave të fundit të periudhës së zgjatur.

Njoftimi: Ofertuesit do të njoftohen për çdo zgjatje përmes platformës së ankandit, duke garantuar transparencë dhe duke u mundësuar pjesëmarrësve të marrin vendime të informuara gjatë ofertimit.

Ofertat e Detyrueshme: Të gjitha ofertat e vendosura gjatë periudhës së ofertimit popcorn janë detyruese dhe i nënshtrohen të njëjtave kushte dhe rregulla si ofertat e vendosura gjatë periudhës së rregullt të ankandit.

Duke marrë pjesë në ankandet tona, ofertuesit pranojnë dhe pajtohen me kushtet e sistemit të Ofertimit Popcorn. Ky sistem është krijuar me qëllim që të sigurojë një mjedis të drejtë dhe konkurrues të ofertimit, duke u ofruar të gjithë pjesëmarrësve mundësinë që të vendosin ofertat e tyre përfundimtare pa presionin e një kohe të rreptë mbylljeje.

 

Politika e Privatësisë

Politika jonë e Privatësisë (në vijim: Politika) përshkruan se cilat të dhëna mbledhim, si mblidhen ato të dhëna, për çfarë qëllimesh i mbledhim (duke përfshirë në mënyrë të veçantë bazën ligjore mbi të cilën përpunohen të Dhënat Personale që mbledhim nga ju), si përdoren ato të dhëna, me kë ndahen dhe në çfarë rrethanash mund të bëhet shpërndarja e tyre.

Politika jonë gjithashtu shpjegon cilat janë të drejtat tuaja në lidhje me të Dhënat tuaja Personale, cilat masa ndërmarrim për të siguruar mbrojtjen e të dhënave tuaja dhe cilat masa duhet të merrni ju për të ruajtur sigurinë e tyre.

Në fund, Politika jonë përcakton se me kë mund të kontaktoni në rast se keni pyetje lidhur me këtë Politikë.

Nëse keni nevojë për ndihmë apo keni vështirësi në qasjen në këtë Politikë apo në faqet tona të internetit, ju lutemi na kontaktoni në adresën elektronike: info@ankandet.com.

Çdo ndryshim në këtë Politikë do të komunikohet përmes publikimit të një versioni të përditësuar të saj në këtë faqe interneti.

 

Llojet e të Dhënave Personale që Mbledhim dhe Mënyra e Mbledhjes së Tyre

Ne mbledhim kategoritë e mëposhtme të të Dhënave Personale në lidhje me ju. Ju lutemi vini re se të Dhënat Personale që mund të mbledhim ndryshojnë në varësi të natyrës së ndërveprimeve tuaja me ne dhe mund të mos përfshijnë të gjitha shembujt e renditur më poshtë.

A. Identifikues, të tillë si emri juaj, pseudonimi (emri i përdoruesit), adresa postare (përfshirë qytetin, kodin postar dhe shtetin), numri personal unik, adresa e email-it, numri i telefonit, numri alternativ, adresa IP, numri i letërnjoftimit dhe/ose pasaportës, dhe identifikues të tjerë të ngjashëm që na i ofroni.

B. Informata komerciale, përfshirë të dhëna mbi pronësinë personale, produktet apo shërbimet e blera, të përfituara apo të konsideruara, ose histori dhe prirje të tjera të konsumit apo blerjes.

C. Aktivitet në internet apo rrjete elektronike, si për shembull aktiviteti juaj në internet apo rrjete të ngjashme, statistika të përdorimit, informacione mbi ndërveprimin tuaj me faqen e internetit, regjistrime nga aplikacioni, oraret e qasjes dhe faqet referuese.

Ne mund të kërkojmë informacione shtesë nga ju në varësi të transaksioneve të caktuara, kërkesave kontraktuale apo rregullative. Do t’ju njoftojmë për informacionin që kërkohet dhe mënyrën se si do të përdoret.

Në të gjitha situatat tjera që nuk janë të përfshira në këtë seksion, do të zbatohet Ligji për Mbrojtjen e të Dhënave Personale.

 

Ne mbledhim informacione për ju dhe mënyrën se si ndërveproni me ne në disa mënyra, përfshirë:

Informacion që na e ofroni drejtpërdrejt

Ne mbledhim informacionin që na e dorëzoni vetë, për shembull kur regjistroheni për një llogari përmes faqes sonë të internetit ose kur na dërgoni informacione (p.sh. gjatë ofertimit, blerjes, dërgimit të pyetjeve, pjesëmarrjes në ankand të drejtpërdrejtë, etj.).

 

Informacion i mbledhur automatikisht ose i nxjerrë nga ndërveprimi juaj me ne

Ne mund të mbledhim automatikisht të dhëna teknike që lidhen me mënyrën e përdorimit të shërbimeve tona dhe ndërveprimin tuaj me faqet tona.

 

Informacion nga burime publike

Mund të mbledhim të dhëna personale që janë të qasshme publikisht.

 

Informacion i mbledhur përmes funksioneve interaktive të faqes së internetit

Mund të marrim të dhëna personale nga ofruesit tanë të shërbimeve që ofrojnë funksionalitete interaktive në faqet tona të internetit. Përdorimi i këtyre funksioneve është vullnetar, dhe ne mund të ruajmë informacionin personal që ju dorëzoni përmes tyre. Për shembull, mund të ofrojmë një funksion bisede (chat) në faqet tona për të ofruar mbështetje apo për të përgjigjur në pyetje. Kur merrni pjesë në bisedë interaktive – qoftë me agjent virtual apo të gjallë – përmbajtja e bisedës mund të regjistrohet dhe të ruhet si transkript. Duke përdorur këto funksione, ju pranoni se ofruesit tanë të shërbimeve mund ta përpunojnë informacionin e mbledhur përmes tyre për të ofruar shërbimin në emrin tonë.

Ne mund të kombinojmë informacionin që marrim nga burime të ndryshme të përmendura në këtë Politikë, përfshirë burimet e palëve të treta dhe burime publike, dhe ta përdorim ose ta shpërndajmë për qëllimet e përshkruara më poshtë.

Nëse na e jepni të Dhënat tuaja Personale jashtë linje (offline), kjo Politikë zbatohet gjithashtu për mbledhjen dhe përdorimin e atyre të dhënave nga ana jonë.

 

Si i Përdorim të Dhënat Tuaja Personale?

Ne mund t’i përdorim të dhënat tuaja në mënyrat e mëposhtme:

Për të ofruar shërbime për ju; për të regjistruar dhe administruar llogarinë tuaj; për të krijuar dhe lehtësuar marrëdhënien tonë afariste me ju; për t’iu përgjigjur ankesave apo kërkesave tuaja; si dhe për të kuptuar preferencat dhe nevojat tuaja.

Për arsye ligjore, sigurie apo mbrojtjeje, të tilla si për të përmbushur kërkesat ligjore; për të mbrojtur sigurinë, pronën apo të drejtat tona, të personave që ndërveprojnë me ne apo të palëve të treta; dhe për të zbuluar, parandaluar dhe reaguar ndaj incidenteve të sigurisë apo veprimeve të dëmshme, mashtruese, të pabesueshme apo të paligjshme.

Për qëllime marketingu. Mund të përdorim të Dhënat tuaja Personale për t’ju dërguar njoftime përmes email-it dhe buletine elektronike lidhur me ankande të ardhshme, ngjarje shitjesh dhe informacione mbi produktet dhe shërbimet tona që mund të jenë me interes për ju. Ne do të marrim paraprakisht pëlqimin tuaj përpara se t’ju dërgojmë njoftime dhe buletine, në rastet kur kjo kërkohet nga ligjet në fuqi për mbrojtjen e të dhënave.

Për çdo qëllim tjetër për të cilin na jepni pëlqimin tuaj.

 

Me Kë i Ndajmë të Dhënat Tuaja?

Ne mund të ndajmë të Dhënat tuaja Personale me kategoritë e mëposhtme të marrësve:

Ofrues të Shërbimeve: Mund të ndajmë të Dhënat tuaja Personale me ofrues të jashtëm të shërbimeve, të tillë si Shopify dhe Google, shërbimet e të cilëve mund t’i përdorim herë pas here për të na ndihmuar në ofrimin e shërbimeve për ju dhe për të mbështetur aktivitetet tona të biznesit.

Palë të Treta për Ofrimin e Shërbimeve apo Komunikimeve për Ju: Mund t’u japim informacione përdoruesve të tjerë të faqes, furnitorëve, partnerëve të jashtëm, nënkontraktorëve apo ofruesve të shërbimeve, kur kjo është e nevojshme për ofrimin e shërbimeve që kërkoni apo për realizimin e një transaksioni.

Organet e Rendit, Institucionet Ligjore dhe Entitetet Qeveritare: Në rast të një urdhri gjykate, fletëthirrjeje apo kërkese zyrtare, ne mund të ndajmë të Dhënat tuaja Personale me ose me kërkesë të organeve të rendit, institucioneve ligjore apo entiteteve shtetërore për të hetuar, parandaluar apo ndërmarrë veprime lidhur me aktivitete të dyshuara të paligjshme, mashtrime apo kërcënime të mundshme, për të ushtruar të drejta ligjore apo për t’u mbrojtur nga pretendime, kur besojmë se një veprim i tillë mund të mbrojë sigurinë tuaj, sigurinë tonë apo të të tjerëve, ose kur kërkohet apo lejohet nga ligji.

Palë të Treta në Rast të Shitjes apo Bashkimit: Gjatë zhvillimit të mëtejshëm të aktivitetit tonë, mund të shesim apo të blejmë asete. Në rast se një entitet tjetër na blen ose bashkohet me ne, të Dhënat tuaja Personale do t’i transferohen këtij entiteti. Gjithashtu, në rast të shitjes së një njësie biznesi specifike, të Dhënat tuaja Personale (nëse mbahen nga ajo njësi) mund të konsiderohen aset i yni dhe, si të tilla, mund të shiten apo transferohen tek pala e tretë blerëse.

Auditorë: Ne mund të sigurojmë informacione të lidhura me transaksione për auditorë shtetërorë apo privatë, me qëllim inspektimin apo verifikimin e praktikave tona të biznesit, të dhënave kontabël apo raporteve financiare. Çdo publikim i të dhënave për këto qëllime do të kryhet në përputhje me standardet e konfidencialitetit.

 

Sa Kohë i Ruajmë të Dhënat Tuaja Personale?

 

Ne i ruajmë kategoritë e të Dhënave Personale të përshkruara më sipër për aq kohë sa është e nevojshme për qëllimet e përshkruara në këtë Njoftim ose në raste të tjera kur kjo është e lejuar nga ligji. Kjo zakonisht nënkupton që informacioni mbahet për aq kohë sa të vlejë një nga kushtet në vijim:

– Të Dhënat tuaja Personale janë në mënyrë të arsyeshme të nevojshme për të menaxhuar operacionet tona, marrëdhënien tuaj me ne, ose për të përmbushur ndonjë qëllim tjetër për të cilin janë mbledhur;

– Të Dhënat tuaja Personale janë në mënyrë të arsyeshme të nevojshme për realizimin e një qëllimi të shpallur që është i lidhur në mënyrë të përshtatshme me kontekstin në të cilin janë mbledhur të dhënat;

– Informacioni është në mënyrë të arsyeshme i domosdoshëm për të mbrojtur ose për të mbështetur të drejtat apo pronën tonë (zakonisht në përputhje me ligjet përkatëse që kufizojnë veprimet në një rast të caktuar); ose

– Kur mbajtja e informacionit kërkohet ose lejohet ndryshe nga ligjet apo rregulloret përkatëse.

Ne i ruajmë të Dhënat tuaja Personale jo më gjatë sesa është e nevojshme për qëllimet për të cilat janë mbledhur dhe në përputhje me këtë Politikë. Gjatë përcaktimit të periudhave përkatëse të ruajtjes, marrim në konsideratë faktorë si:

-        Detyrimet kontraktuale ndaj jush;

-        Detyrimet ligjore sipas ligjit në fuqi për të ruajtur të dhënat për një periudhë të caktuar;

-        (Mundësinë e) mosmarrëveshjeve apo kontesteve;

-        Për qëllime të pajtueshmërisë ligjore, rregullative dhe të auditimit; si dhe

-        Udhëzimet e dhëna nga autoritetet përkatëse kombëtare për mbrojtjen e të dhënave.

 

Përndryshe, ne do t’i anonimizojmë në mënyrë të sigurt ose do t’i fshijmë të Dhënat tuaja Personale pasi të mos jenë më të nevojshme.

Për më shumë informacion mbi kohëzgjatjen e ruajtjes së të Dhënave tuaja Personale, ju lutemi na kontaktoni duke përdorur detajet e kontaktit të dhëna në seksionin “Na Kontaktoni” më poshtë.

 

A Përdorim “Cookies”?

Cookies janë skedarë të vegjël me tekst që vendosen në pajisjen tuaj (p.sh. kompjuter, telefon i mençur, tablet apo pajisje tjetër elektronike) kur përdorni faqen e internetit dhe përmbajnë informacione si emri juaj i përdoruesit, preferencat tuaja, faqet që keni vizituar dhe aktivitetet që keni kryer gjatë përdorimit të faqes.

Ne përdorim cookies për të ofruar përmbajtje të përshtatura sipas interesave tuaja dhe për të personalizuar përvojën tuaj në faqe, si dhe për të ruajtur informacionin tuaj në mënyrë që të mos keni nevojë ta vendosni përsëri sa herë që vizitoni faqen. Gjithashtu, cookies përdoren për qëllime të tjera të përcaktuara. Që faqja jonë të funksionojë sa më mirë dhe t’ju ofrojë përvojën më të mirë të përdoruesit, rekomandohet që cookies të jenë të aktivizuara.

Disa nga partnerët tanë të biznesit gjithashtu përdorin cookies për të na ofruar të dhëna dhe informacione të përmbledhura dhe anonime në lidhje me përdoruesit tanë. Ne nuk kemi qasje ose kontroll mbi këto cookies, dhe Politika jonë nuk përfshin përdorimin e cookies të palëve të treta.

Më konkretisht, ne përdorim cookies për qëllimet e mëposhtme:

Cookies Funksionale (Functional Cookies) – këto cookies mundësojnë funksionalitet të avancuar dhe personalizim në Faqen e Internetit. Ato mund të vendosen nga ne ose nga ofrues të palëve të treta, shërbimet e të cilëve i kemi përfshirë në faqet tona. Nëse nuk lejoni këto cookies, disa ose të gjitha funksionet përkatëse mund të mos funksionojnë siç duhet.

Cookies të Synuara (Targeting Cookies) – Faqja jonë përdor cookies të synuara, të cilat mund të vendosen përmes faqes sonë nga partnerët tanë të reklamimit dhe mund të përdoren nga ata për t’ju shfaqur reklama më të përshtatshme në faqe të tjera të internetit. Nëse nuk lejoni këto cookies, do të vazhdoni të shihni reklama në internet, por ato mund të mos jenë të rëndësishme për ju. Megjithëse ne nuk shesim të Dhëna Personale në këmbim të të ardhurave monetare, partnerët tanë mund të përdorin këto të dhëna për qëllime të reklamimit.

Cookies të Domosdoshme (Strictly Necessary) – këto cookies janë të domosdoshme për funksionimin e Faqes së Internetit dhe nuk mund të çaktivizohen në sistemin tonë. Ato vendosen zakonisht si reagim ndaj veprimeve tuaja që përbëjnë kërkesë për shërbime, si p.sh. vendosja e preferencave të privatësisë, hyrja në llogari apo plotësimi i formularëve. Ju mund të vendosni që shfletuesi juaj t’i bllokojë këto cookies ose t’ju njoftojë për to, por disa pjesë të faqes mund të mos funksionojnë siç duhet. Këto cookies nuk ruajnë asnjë informacion që identifikon drejtpërdrejt përdoruesin.

Cookies të Performancës (Performance Cookies) – këto cookies na lejojnë të numërojmë vizitat dhe burimet e trafikut, me qëllim që të mund të matim dhe përmirësojmë performancën e Faqes sonë të Internetit. Ato na ndihmojnë të kuptojmë cilat faqe janë më të vizituarat dhe cilat më pak, si dhe të shohim mënyrën se si vizitorët lëvizin brenda faqes. Të gjitha informacionet që mbledhin këto cookies janë të përmbledhura dhe anonime. Nëse nuk i lejoni këto cookies, ne nuk do të dimë kur e keni vizituar faqen tonë dhe nuk do të jemi në gjendje të monitorojmë performancën e saj.

Ju mund të menaxhoni preferencat tuaja për cookies në momentin e hyrjes në Faqen tonë të Internetit.

 

Ne mund të përdorim shërbime të caktuara për analiza në ueb, përfshirë Google Analytics, për të na ndihmuar të kuptojmë dhe analizojmë mënyrën se si vizitorët përdorin faqet tona të internetit. Këto informacione i përdorim për të zbatuar funksione reklamuese të Google, të tilla si: rimarketing dinamik, reklamim i bazuar në interes, synim të audiencës, raporte të sjelljes së përdoruesve, raporte për demografi dhe interesa, analiza të segmenteve të përdoruesve, raporte sipas pajisjes së përdorur, reklama në rrjete të vizualizuara (display advertising), dhe raporte për numrin e shfaqjeve (impression reporting).

Përdorimi i këtyre analizave na ndihmon të përmirësojmë përvojën e përdoruesit dhe të ofrojmë përmbajtje më të përshtatura sipas interesave të vizitorëve tanë.

 

 

Kufizime në Përdorimin e Shërbimeve. Asnjë Përdorues nuk lejohet të:

● ngarkojë, postojë, dërgojë me email, transmetojë apo në çfarëdo mënyre tjetër të bëjë të disponueshëm përmbajtje që:

(i) është e paligjshme, e dëmshme, kërcënuese, fyese, ngacmuese, torturuese, shpifëse, vulgare, e pahijshme, ofenduese, ndërhyrëse në privatësinë e të tjerëve, e urrejtshme apo ndryshe e papranueshme;

(ii) nuk mund të publikohet sipas ndonjë ligji ose marrëdhënieje kontraktuale apo besimi (si p.sh. informacione konfidenciale apo të mbrojtura që janë mësuar si pjesë e një marrëdhënieje pune ose sipas një marrëveshjeje për mos-zbulim);

(iii) cenon ndonjë patentë, markë tregtare, sekret tregtar, të drejtë autori apo të drejtë tjetër pronësore të ndonjë pale tjetër;

(iv) përbëhet nga reklamim i paautorizuar apo i padëshiruar, materiale promocionale, mesazhe të panevojshme, spam, letra zinxhir, skema piramidale, mesazhe elektronike komerciale apo forma të tjera të kërkesave të padëshiruara;

(v) përmban viruse softuerike ose ndonjë kod, skedar, program apo pajisje të tjera të dizajnuara apo të destinuara të ndërpresin, shkatërrojnë ose kufizojnë funksionalitetin apo operimin e shërbimeve tona ose ndonjë softueri apo pajisjeje që përbën faqen tonë;

(vi) shkel kushtet e kësaj Marrëveshjeje.

● paraqitet në mënyrë të rreme si një person apo entitet tjetër (përfshirë, por jo vetëm, punonjësit apo përfaqësuesit tanë) ose të japë deklarata të rreme apo mashtruese lidhur me lidhjen e tij me një person apo entitet tjetër;

● përdorë Shërbimet tona në çfarëdo mënyre që mund të dëmtojë, çaktivizojë, mbingarkojë apo dëmtojë funksionimin normal të tyre;

 

● përdorë Shërbimet tona nëse nuk është në gjendje të lidhë një kontratë ligjërisht të detyrueshme (p.sh. nëse është nën moshën 18 vjeç);

● përdorë Shërbimet tona nëse llogaria e tij është pezulluar përkohësisht ose përgjithmonë;

● përdorë Shërbimet tona nëse është një Person i Kufizuar (Restricted Person);

● angazhohet në ofertim të manipuluar (shill bidding),

(i) që nënkupton veprimin e ofertimit për Pasuritë e veta, drejtpërdrejt apo tërthorazi, me qëllim të rritjes artificiale të çmimit në të cilin ato do të shiten;

(ii) që përfshin, por nuk kufizohet në, shkelje penale apo civile të ligjeve në fuqi si dhe udhëzimin apo lejimin me vetëdije të një pale të tretë për të ofertuar në mënyrë të manipuluar kundër ofertuesve të ligjshëm në ankand apo ngjarje shitjeje;

(iii) me përjashtim të rasteve ku është e lejuar me ligj, Ankandet rezervon të drejtën që të vendosë oferta në emër të Shitësit, përfshirë edhe rastet kur Ankandet vepron si Shitës, deri në (por jo përfshirë) çmimin rezervë për çfarëdo Pasurie në ndonjë ankand të realizuar sipas këtij sistemi ofertimi.

 

Rezervimi i të Drejtave në Lidhje me Shërbimet Tona

● Ne rezervojmë të drejtën për të ndërmarrë cilëndo nga veprimet e mëposhtme deri në momentin e finalizimit të një Transaksioni të Përfunduar:

– të tërheqim çdo Pasuri të ofruar për shitje;

– nëse Pasuritë janë grupuar për ankand si një Listim i vetëm, të bashkojmë (përfshirë në shumicë), të ndajmë, ndryshojmë apo të modifikojmë ndonjë Listim;

– të rregullojmë procesin e ofertimit në çdo ankand, përfshirë, por pa u kufizuar në, refuzimin për të pranuar ndonjë ofertë ose lehtësimin e ofertave automatike në emër të Blerësve;

– të vonojmë ose të anulojmë shitjen e ndonjë Pasurie për çfarëdo arsye;

– të vonojmë ose të vendosim kushte për largimin e Pasurive nga ambientet në të cilat ndodhen, në varësi të kushteve që ne i konsiderojmë të përshtatshme, nëse sipas mendimit të Shitësit ose tonit, largimi i ndonjë Pasurie apo pjesë të saj mund të shkaktojë dëme serioze në ambientet e Shitësit ose tonat, apo ndonjë dëm tjetër që Blerësi nuk është në gjendje ose nuk dëshiron ta riparojë, ose nëse largimi kryhet pa një plan metodik të miratuar ose vlerësim të rrezikut, në rastet kur një plan i tillë kërkohet;

– të vonojmë ose të anulojmë një Transaksion nëse ndonjë palë pretendon pronësinë apo të drejtën e posedimit mbi të gjithë ose një pjesë të Pasurisë, përpara largimit të saj nga ambientet e Shitësit ose tonat.

Nëse ndodh ndonjë nga rastet e mësipërme, përgjegjësia jonë kufizohet vetëm në kthimin e çmimit të blerjes dhe çdo komisioni, tarife ose shtese të paguar nga Blerësi në lidhje me atë Listim.

 

● Ne rezervojmë të drejtën për të ndërmarrë cilëndo nga veprimet e mëposhtme në çdo kohë:

– të pranojmë ose refuzojmë çdo Listim, ofertë për shitje apo blerje, ofertim ose porosi;

– të kufizojmë shumën e ofertës ose të porosisë së propozuar nga një Blerës, qoftë në mënyrë individuale apo të përbashkët;

– të refuzojmë të bashkëpunojmë me cilindo Përdorues, përfshirë përdoruesit ekzistues apo të mëparshëm;

– të kufizojmë, pezullojmë, bllokojmë ose ndërpresim Shërbimet tona, llogarinë e një Përdoruesi, qasjen e një Përdoruesi në Shërbimet tona apo aktivitetet e tij përmes Shërbimeve tona, me ose pa arsye dhe pa njoftim paraprak;

– të kufizojmë ose anulojmë sasinë e produkteve të blera (p.sh. për person, për biznes, për familje ose për porosi);

– të tërheqim çdo ofertë të publikuar me qëllim korrigjimin e ndonjë gabimi, pasaktësie ose mospërputhjeje – përfshirë edhe pasi një ofertë apo blerje të jetë dorëzuar dhe pavarësisht nëse është konfirmuar apo është kryer pagesa;

– të modifikojmë ose të ndërpresim pjesërisht ose tërësisht Shërbimet tona në çdo moment;

– të përvetësojmë fonde të Përdoruesve, përfshirë depozitat apo paradhëniet, për të mbuluar borxhe të papaguara.

 

Ne mund të ndryshojmë këtë Marrëveshje (përfshirë çdo dokument që përfshihet në të me referencë) në çdo kohë duke publikuar një version të përditësuar të saj me datën e hyrjes në fuqi në faqen tonë të internetit. Data e hyrjes në fuqi nuk do të jetë më herët se tridhjetë (30) ditë nga data e publikimit. E drejta jonë për të ndryshuar këtë Marrëveshje përfshin të drejtën për të modifikuar, shtuar ose hequr kushte nga kjo Marrëveshje. Përveç nëse specifikohet ndryshe, të gjitha kushtet e ndryshuara do të hyjnë automatikisht në fuqi pas tridhjetë (30) ditësh nga data e publikimit në faqen tonë të internetit.Vazhdimi i përdorimit të faqes sonë nga ana e Përdoruesit pas tridhjetë ditësh nga publikimi i Marrëveshjes së ndryshuar do të konsiderohet si pranim i këtyre ndryshimeve nga ana e Përdoruesit. Përdoruesi nuk do të marrë ndonjë njoftim tjetër për ndryshimet në këtë Marrëveshje përveç publikimit të versionit të ndryshuar në faqen tonë të internetit.

Kjo Marrëveshje, së bashku me çdo politikë, orar apo udhëzim të përfshirë në të me referencë dhe, në rastin e Shitësve, çdo Marrëveshje për Shërbime të Menaxhuara apo marrëveshje tjetër të shkruar të dakorduar nga të dyja palët, përbën tërësinë e mirëkuptimit dhe marrëveshjes ndërmjet çdo Përdoruesi dhe Ankandet dhe zëvendëson çdo deklaratë paraprake, me shkrim apo gojore, të dhënë nga palët.

Këto Kushte rregullohen dhe interpretohen në përputhje me ligjet e Republikës së Kosovës.

 

Çdo mosmarrëveshje ndërmjet përdoruesve dhe Ankandet do të zgjidhet përmes negociatave, ndërmjetësimit apo metodave të tjera të dakorduara reciprokisht.

 

Në mungesë të një zgjidhjeje, mosmarrëveshjet do t’i nënshtrohen juridiksionit ekskluziv të gjykatave në Kosovë.